شيري مجدي : “أنا عايزة اشتغل .. مش عايزة ابقى شمال”

عبر مقطع فيديو نشرته الفنانة منة جلال لزميلتها في الوسط الفني شيري مجدي طالبت فيه عبر حسابها الرسمي على مواقع التواصل الاجتماعي «فيسبوك»، المساعدة في أن تجد فرصة للعمل، لافتًة إلى أنها في ضيقة كبيرة منذ 4 أشهر.

و تستكمل حديثها: «بقالي أربع أشهر في ضيقة كبيرة، ومفيش شغل وكل اللي كلمتهم يساعدوني محدش ساعدني، أنا يتيمة الأب والأم، وعايشة لوحدي ومعنديش حد في حياتي يقف جنبي».

تستطرد : «أنا مش طالبة من حد حاجة غير اللي شايف إني شاطرة يخليني اشتغل، أنا مش عايزة أخد طريق شمال لأني مش هعرف، أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني من غير ما يحسسني إني قليلة».

حيث كتبت زميلتها الفنانة منة جلال على مقاطع الفيديو: “شيري ممثلة شاطرة ومش عشان معندهاش حد ولا وسطة تبقى كده، أنا نزلت الستوري ده عشان عندي ناس كتير جدا مخرجين ومنتجين وناس كتير في الوسط ممكن يساعدوها ويقفوا جنبها، أستغفر الله العظيم يارب».